BAB
I
PAMBUKA
Masyarakat
Jawa, khususipun masyarakat Jawa Tengah tlatah kidul, mlebet Propinsi Daerah
Istimewa Yogyakarta, taksih kathah sanget ngawontenaken tradisi merti desa. Tradisi merti mesa utawi bersih desa hakikatipun inggih
punika kegiyatan masyarakat kangge mujudaken rasa syukur dhumateng Gusti Allah
amargi sampun paring berkah lan nugrahanipun kadosta kasil panen ingkang
kathah, kahanan dhusun ingkang tentrem lan keslametan para warga dhusun. Merti
desa uga saged dados wadah kangge manunggalaken masyarakat supados saged mbina
tali silaturahmi dhumateng para warga sedaya. Rasa greget kempal manunggal
wonten tradisi merti desa inggih ageng sanget.
Tradisi merti desa inggih punika warisan tradisi saking
leluhur ingkang ngemot bab-bab ingkang becik lan adiluhung. Ningali agenging
manfangat ingkang sae saking tradisi Merti desa niku piyambak, tradisi merti desa
kedah dipun lestantunaken supados boten ical mekaten kemawon dumateng budaya
manca ingkang mlebet wonten ing masyarakat.
Kangge mujudaken rasa syukur dhumateng Gusti Allah,
tradisi merti desa uga saged dados mujudaken rasa kasalarasan manungsa kaliyan
ngalam donya. Sajronipun gesang manungsa sampun mundhut kanugrahan saking kasil
bumi ingkang kathah sanget. Nanging mekaten, anggenipun mundhut kasil bumi wau
boten angsal medal saking tata cara, mundhut kasil bumi ingkang jor-joran saged
ngrisak alam. Kamangka sejatinipun manungsa kedah njaga alam punika. Menawi
panen ageng, masyarakat angsal kasil ingkang kathah punika mboten ucul saking
caranipun ngrumat alam ingkang becik.
Tradisi merti desa menawi dipun garap kanthi sae lan profesional
saged andadosaken aset wisata budaya ingkang samangke saged nglampahaken rodha
ekonomi rakyat. Tradisi merti desa uga dados sarana kangge nglestantunaken
tradisi-tradisi lokal ingkang wiwit sami luntur, kadosta kesenian tradisional
lan jajanan peken ingkang namung saged ditemokaken wonten ing desa kasebat. Kangge
masyarakat niku piyambak tradisi merti desa uga saged dados sarana karemenan
warga kanthi digelaripun pagelaran ringgit purwa.
BAB II
LANDHESAN TEORI
1.
Prosesi
Tembung prosesi wonten ing Kamus Besar Bahasa Indonesia dipuntegesi minangka pawai khidmat
(perarakan) dalam upacara kegerejaan. Tembung prosesi wonten tradisi merti desa saged dipuntegesi
minangka lampahaning upacara
tradisi merti
desa. Inggih punika lampahaning
upacara merti
desa ing desa Tanjungrejo wiwit labuh dumugi paripurnaning adicara.
2.
Teges Simbolik
Teges
simbolik asalipun saking kalih ukara,
inggih punika teges/makna lan simbolik. Tembung makna wonten ing Kamus Besar Bahasa Indonesia uga dipun arani minangka arti. Menawi tembung simbolik asalipun saking tembung simbol. Miturut Poerwadarminta wonten ing Budiono Herusatoto
(2008: 17) simbol inggih punika kayata tandha, lukisan, ukara, lencana lan sapanunggalanipun, ingkang ngemot utawi nggadahi maksud ingkang gumathok. Miturut The Liang Gie wonten ing Budiono Herusatoto
(2008: 17) njlentrehaken menawa simbol
inggih punika tandha damelan, ingkang wujudipun sanes ukara kangge makili utawi ngringkes perkara napa kemawon.
Simbol saged dipun tegesi minangka perkara utawi
kahanan ingkang dados sarana kawruh dhumateng objek (Herusatoto, 2008:
18). Saking teori-teori kasebat saged dipundhut dudutan menawi teges simbolik inggih punika teges
kang gumathok ingkang dipunlambangaken ngangge tandha-tandha ingkang makili makna, gagasan lan pangertosan.
3.
Tradisi
Tradisi miturutt
Jennifer Lindsay wonten ing
Imam Sutardjo (2010: 63) inggih punika kempalan
nilai-nilai budaya ingkang
mapan wonten wekdal ingkang turun-tumurun saking leluhur. Miturut Mufti (2009) tradisi
inggih punika
gambaranipun
sikap lan
polahipun manungsa
ingkang sampun dipunproses wonten wekdal ingkang dangu lan dipunlaksanakaken kanthi turun-temurun saking
leluhur lan dados kebiasaan
wonten ing masyarakat.
4.
Merti Desa
Merti desa
inggih punika salah satunggaling upacara tradisi lokal ingkang awujud kegiatan
bersih desa. Merti desa inggih punika kegiatan aminangkani wujud rasa syukur dhumateng
kanugrahanipun saking Gusti ingkang Maha Agung. Merti desa punika dipun laksanakaken para warga
kanthi gotong royong. Ancasipun inggih punika supados Gusti Allah paring tolak balak lan
paring keslametan kangge masyarakat desa. Salah satunggaling acara kegiatan ingkang wonten ing
salebeting tradisi Merti Desa inggih punika pagelaran ringgit purwa sedalu natas.
BAB III
ANDHARAN
Desa Tanjungrejo miturut tata administratif kalebet
wonten ing tlatah kecamatan Bayan,
kabupaten Purworejo. Desa Tanjungrejo punika wonten 5 RT lan 2 RW. Tlatah desa Tanjungrejo sisih
lor watesan
kalih desa Dewi. Tlatah wetan watesan kalih
desa Tanjunganom. Tlatah kidul watesan kalih desa Krandegan lan desa Banjarejo. Tlatah
kulon watesan kalih desa
Tangkisan. Kathahing warga desa Tanjungrejo dumugi 1.187 tiyang. Kahanan alam ingkang sebagian ageng taksih sabin lan tegalan andadosaken mayoritas warga desa Tanjungrejo makarya utawa nyambut
damel minangka petani.
Tradisi merti desa antawis tlatah setunggal kalih tlatah sanesipun nggadhahi tata cara
piyambak-piyambak. Malah wonten ingkang benten,
perkara kasebat
jalaran saking kahanan sosial warga ingkang wonten mriku.
Kadosta
tradisi merti
desa
ing
desa Tanjungrejo ingkang nggadhahi
tata cara piyambak lan benten kalih
prosesi upacara merti
desa
wonten ing tlatah
sanesipun. Mayoritas warga desa Tanjungrejo ingkang makarya utawa nyambut damel
minangka petani, sarta
kahanan
warga ingkang
mayoritas muslim ndadosaken prosesi merti
desa
kasebat langkung
sae, ewandene nilai-nilai tradisi lan nilai-nilai agami saged sesarengan mlampah tanpa
congkrah, satemah saged andamel akulturasi budaya ingkang sae sanget.
Tradisi merti desa wonten ing desa Tanjungrejo kedah diwontenaken ing dinten Jum’at sasi Rejeb, mula uga dipun arani
Rejeban. Punika dipun yakini dening para warga menawi dinten Jum’at sasi Rejeb punika
dinten jumenengipun desa
Tanjungrejo. Lampahan prosesi merti desa
uga kedah dipun wontenaken ing griyanipun Lurah Tanjungrejo, punika
sampun dados adat ingkang dirembug dening para warga sedaya lan mboten angsal dipun
blenjani. Riyin
nate sumerep prastawa nalika
prosesi merti
desa boten diwontenakaen ing griyanipun Pak Lurah, nanging malah
diwontenaken ing griyanipun Pak Carik, prosesi saged mlampah kanthi sae, nanging pinten
dinten saksampunipun prosesi upacara merti desa mlampah, Lurah Tanjungrejo ingkang madeg nalika semana seda. Punika lajeng dipungandheng-gandhengaken
kalih warga jalaran saking lampahan upacara merti desa ingkang ewah saking
tradisi, prastawa kasebat njlentrehaken menawa
tradisi merti
desa ing Desa Tanjungrejo miturut warga taksih
kathah
unsur-unsur mistik. Ngantos dugi sepriki para warga taksih
percaya mboten ketang agami Islam sampun mlebet ing desa Tanjungrejo.
Puncak
lampahan prosesi tradisi merti desa
wonten ing
desa Tanjungrejo sami kalih lampahan prosesi tradisi merti desa wonten ing tlatah
sanes, inggih
punika dipun suraosi kanthi pagelaran ringgit purwa
sedalu natas. Nanging ingkang mbentenaken wonten mriki inggih punika dipun manunggalaken pagelaran ringgit purwa kalih adicara pengaosan. Kalih perkara ingkang
benten sanget, ananging saged mlampah sesarengan kanthi sae lan mboten congkrah sarta
mboten ngirangi kesakralan
lampahanipun tradisi merti desa.
Lampahan prosesi tradisi merti desa wonten desa Tanjungrejo dipun wiwiti ing wayah siyang saksampunipun wekdal shalat Jum’at, inggih punika dipun tengeri
kanthi labuhipun pagelaran ringgit purwa ingkang dipun adani wonten ing
griyanipun Pak Lurah. Lakon wonten ing pagelaran ringgit purwa punika bebas
lan mboten ditemtokaken. Sakderengipun pagelaran ringgit purwa dipun wiwiti, langkung rumiyin wonten
acara ngiris tumpeng dhumateng Lurah Tanjungrejo kanthi donga kangge
nyuwun kelancaran wonten ing lampahan tradisi Merti
Desa sarta nyuwun supados warga desa Tanjungrejo dipunparingi kamakmuran lan dipun tebihaken saking
mala bebaya. Pagelaran ringgit purwa pungkas sakderengipun wayah maghrib inggih punika
tabuh 5 sonten.
Acara
dipun lajengaken saksampunipun shalat Isya. Inggih punika acara pengaosan, sedaya warga sami ngurmat
sesarengan lan kempal
manunggal mirengaken piwulang saking Pak Kyai. Acara pengaosan kirang langkung
kalih jam. Saksampunipun acara pengaosan paripurna, warga dipun remenaken
malih kanthi pagelaran ringgit purwa sedalu natas.
Kanthi paripurnaning pagelaran ringgit purwa kasebat, mangka uga paripurna
lampahan upacara tradisi Merti
Desa wonten ing
desa Tanjungrejo. Mekaten wau lampahanipun tradisi merti
desa ing desa Tanjungrejo.
BAB IV
PANUTUP
Mekaten punika lampahanipun tradisi merti
desa wonten ing desa Tanjungrejo. Tradisi merti desa inggih punika warisan
tradisi saking leluhur ingkang ngemot bab-bab ingkang becik lan adiluhung.
Ningali agenging manfangat ingkang sae saking tradisi Merti desa niku piyambak,
tradisi merti desa kedah dipun lestantunaken supados boten ical mekaten kemawon
dumateng budaya manca ingkang mlebet wonten ing masyarakat.
Kangge
mujudaken rasa syukur dhumateng Gusti Allah, tradisi merti desa uga saged dados
mujudaken rasa kasalarasan manungsa kaliyan ngalam donya. Sajronipun gesang
manungsa sampun mundhut kanugrahan saking kasil bumi ingkang kathah sanget.
Nanging mekaten, anggenipun mundhut kasil bumi wau boten angsal medal saking
tata cara, mundhut kasil bumi ingkang jor-joran saged ngrisak alam. Kamangka
sejatinipun manungsa kedah njaga alam punika. Menawi panen ageng, masyarakat
angsal kasil ingkang kathah punika mboten ucul saking caranipun ngrumat alam
ingkang becik.
Tradisi merti desa menawi dipun garap kanthi sae
lan profesional saged andadosaken aset wisata budaya ingkang samangke saged
nglampahaken rodha ekonomi rakyat. Tradisi merti desa uga dados sarana kangge
nglestantunaken tradisi-tradisi lokal ingkang wiwit sami luntur, kadosta
kesenian tradisional lan jajanan peken ingkang namung saged ditemokaken wonten
ing desa kasebat. Kangge masyarakat niku piyambak tradisi merti desa uga saged
dados sarana karemenan warga kanthi digelaripun pagelaran ringgit purwa.
BAB V
SARAN
Merti
desa inggih punika salah satunggaling upacara tradisi lokal ingkang awujud
kegiatan bersih desa. Merti desa inggih punika kegiatan aminangkani wujud rasa
syukur dhumateng kanugrahanipun saking Gusti ingkang Maha Agung. Merti desa
punika dipun laksanakaken para warga kanthi gotong royong. Ancasipun inggih
punika supados Gusti Allah paring tolak balak lan paring keslametan kangge
masyarakat desa. Pramila tradisi
merti desa kedah dipun lestantunaken supados boten ical mekaten kemawon
dumateng budaya saking manca ingkang mboten sae.
BAB VI
DUDUTAN
Tradisi merti desa ing desa Tanjungrejo
nggadhahi tata cara piyambak lan benten kalih prosesi upacara merti desa wonten
ing tlatah sanesipun. Tradisi merti desa wonten
ing desa Tanjungrejo kedah diwontenaken ing dinten Jum’at
sasi Rejeb, mula uga dipun arani
Rejeban. Punika dipun yakini dening para warga menawi dinten Jum’at sasi Rejeb punika
dinten jumenengipun desa
Tanjungrejo. Lampahan prosesi merti desa
uga kedah dipun wontenaken ing griyanipun Lurah Tanjungrejo, punika
sampun dados adat ingkang dirembug dening para warga sedaya lan mboten angsal dipun
blenjani.
Puncak lampahan
prosesi tradisi merti desa wonten
ing desa Tanjungrejo sami kalih lampahan prosesi tradisi merti desa wonten ing tlatah
sanes, inggih
punika dipun suraosi kanthi pagelaran ringgit purwa
sedalu natas. Nanging ingkang mbentenaken wonten mriki inggih punika dipun manunggalaken pagelaran ringgit purwa kalih adicara pengaosan.
DAFTAR PUSTAKA
Agung Pamuji. 2010. Nilai Pendidikan dalam Tradisi Wiwit Padi di Desa Mudal Kecamatan
Purworejo Kabupaten Purworejo. Skrpsi. Pendidikan Bahasa dan Sastra Jawa
Fakultas Keguruan dan Ilmu Pendidikan Universitas Muhammadiyah Purworejo.
Budiono Herusatoto. 2008. Simbolisme Jawa. Yogyakarta: Penerbit Ombak.
Esti Imawati. 2011. Metode Penelitian Pendidikan Bahasa dan Sastra. Surakarta: Yuma
Pustaka.
Imam Sutarjo. 2008. Kajian Budaya Jawa. Surakarta: Jurusan Sastra Daerah FSSR UNS.
Mufti. 2009. http//:
muftiblog.wordpress.com/2009/10/20/pengertian-tradisi. Diunduh pada 2
Januari 2012.
Tim Redaksi. 2008. Kamus Besar Bahasa Indonesia. Jakarta: Gramedia Pustaka Utama.
No comments:
Post a Comment